?

एकै दिन शनिबार जिल्लाका १ सय २ जनामा कोरोना सङ्क्रमण थपिएका छन्। बाहिरी जिल्लाबाट उपचार गर्न आएका दुई जनाको मृत्यु समेत भएको छ। भरतपुर अस्पतालका सूचना अधिकारी लीलाधर पौडेलका अनुसार चितवन मेडिकल कलेजमा गरिएको स्वाब परीक्षणमा भेटिएका ६५ जनामध्ये ६१ चितवनका हुन्।

धुलिखेल पठाइएको नमूनाको परीक्षणमा १२ जना चितवनका सङ्क्रमित देखिएकका छन्। त्यसैगरी भरतपुर अस्पताल कोभिड–१९ प्रयोगशालामा गरिएको परीक्षणको राति आएको नतिजामा ४३ जनामध्ये २९ चितवनका रहेको उनले जानकारी दिए।

जिल्लाबाट नमूना सङ्कलन गरिएका १ सय २० जनामा सङ्क्रमण देखिएको छ। १८ जना भने जिल्ला बाहिरका रहेको उनले बताए। जिल्लामा सङ्क्रमितको सङ्ख्या ६२७ पुगेको छ। तीमध्ये सबैभन्दा बढी भरतपुर महानगरपालिकाका ३६४ जना छन्। त्यस्तै रत्ननगरका ८२, राप्तीका ७६, माडीका ५०, खैरहनीका ४३, कालिकाका नौ र इच्छाकामना गाउँपालिकाका तीन जना रहेका छन्।

शनिबारै चितवन मेडिकल कलेजमा उपचार गराइरहेका दुई जना सङ्क्रमितको मृत्यु भएको छ। कोरोना सङ्क्रमणबाट हालसम्म जिल्लामा ११ जनाको मृत्यु भएको छ।

तीमध्ये चार चितवनका हुन् भने अन्य उपचारका लागि आएका हुन्। जिल्लाको सरकारी अस्पताल भरतपुर, दुई मेडिकल कलेज, निजी अस्पताल, संस्थागत आइसोलेसन र घरमा सङ्क्रमित रहेका छन्। एकै दिन यतिधेरै सङ्क्रमण देखिएको यो पहिलो हो।

LEAVE A REPLY

Please enter your comment!
Please enter your name here