वीर अस्पतालमा मृत्यु भएका कोरोना संक्रमित कैदी रुपन्देही सिद्धार्थनगरका रामलखन जैसवालको पोस्टमार्टम गरिने भएको छ ।

मृतक जैसवालको विषयलाई लिएर सामाजिक सञ्जालमा अफवाह फैलाइएको भन्दै अस्पताल र कारागार व्यवस्थापनले बुधबार गृहमन्त्रालयमा पत्रकार सम्मेलन गर्दै सत्य तथ्य पोस्टमार्टम रिपोर्टपछि आउन बताएका हुन् ।

पत्रकार सम्मेलनमा केन्द्रीय कारागार सुन्धाराका जेलर लक्ष्मीप्रसाद बाँस्कोटाले कारागारभित्र वा अस्पतालमा हत्या गरिएको, आँखा निकालिएको, चोटपटक लाएको, घाँटी काटिएको जस्ता समाचारहरु भ्रामक भएको बताए ।

त्यस्तै वीर अस्पतालका निर्देशक डा. केदारप्रसाद सेन्चुरी उपचारका लागि वीर अस्पतालमा लैजादा जीवित रहेको कुनै चिन्ह नदेखिएकाले मृत घोषणा भएको भन्दै गलत अफवाहमा नगर्न आग्रह समेत गरे । ३ दिनदेखि शवगृहमा रहेकाले शवमा सड्ने र गल्ने प्रक्रिया सुरु हुँदा शवमा फोकाहरु रहेको, सुन्निएको र मुख र नाकबाट तरल पदार्थ निस्किको र रेफ्रिजिरेटरमा नराख्दा यस्तो अवस्था देखिएको उनले बताए ।

उनीहरुले त्यस किसिमका सूचनाहरुमा यथार्थ नभएको र कारागारभित्रको सीसीटीभी फुटेजबाट कारागारभित्र हत्या भएको भन्ने तथ्य गलत सावित भइसकेको र बाँकी रिपोर्ट पोस्टमार्टमपश्चात् आउने बताएका छन् ।

बुटवल घर भएका मृतक जैसवाल पार्किङ्सन र प्रेसरसम्बन्धी दीर्घ रोगी भएको र असोज ३ गते राति पौने १० बजे श्‍वासप्रश्वासमा समस्या भएपछि केन्द्रीय कारागार अस्पतालमा उपचारका लागि पठाइएको विज्ञप्तिमा उल्लेख छ । त्यहाँबाट जैसवाललाई वीर अस्पताल रेफर गरिएको जेलर बाँस्कोटाले बताए ।

LEAVE A REPLY

Please enter your comment!
Please enter your name here