नेपालमा पछिल्लो समय कोरोना संक्रमणको संख्यामा क्रमश: बृद्धि हुँदै गएको छ। सोमबार साँझ थप १३ जनामा कोरोना संक्रमण देखिएको स्वास्थ्य मन्त्रालयले जानकारी दिएको छ। काठमाडौँ स्थित राष्ट्रिय जन स्वास्थ्य प्रयोगशालामा गरिएको परिक्षणमा कपिलबस्तु र रुपन्देहीमा ६-६ र बर्दियामा एक जनामा कोरोनाको संक्रमण भएको पुष्टि गरेको छ। संक्रमण हुनेमा कपिल्बस्ती येशोधरा गाउँ पालिका-८ र बुद्धिभुमि नगरपालिका-७ निवासी १९,२३,३०,३२ र ३८ बर्षिय पुरुष; रुपन्देही, समरीमाई गाउँपालिका-७ र लुम्बिनी संस्कृतिक गाउँ पालिका-६ निवासी २४,२६,२७,३०,३२ र ४० बर्षिय पुरुषहरु; बर्दिया, राजापुर-५ निवासी ११ महिला छन्। सोमबारमात्र स्वास्थ्य मन्त्रालयले तीन पटकसम्म प्रेस बिज्ञप्ति जारी गर्यो। जसअनुसार आज दिनभर २४ जनामा कोरोनाको संक्रमण देखिएको छ। हालसम्म नेपालमा कोरोनाको संक्रमण १३४ पुगेको छ।