पूर्व सांसद बर्मन बुढामगरको निधन भएको छ । ९० वर्षका  बुढामगरको  उपचारको क्रममा आज बिहान साढे ४ बजे ललितपुरको पाटन अस्पतालमा निधन भएको हो । वि.सं. १९८७ साउन १७ गते रोल्पाको थबाङमा जन्मिएका उहाँ नेपाली कम्युनिष्ट आन्दोलनका एक आदर्श व्यक्तित्वको रुपमा चिनिनुहुन्छ । बुढा २०४८ सालमा रोल्पाको क्षेत्र नं. १ बाट तत्कालीन जनमोर्चाको तर्फबाट सांसदमा निर्वाचित हुनुभएको थियो । त्यसअघि उहाँ थबाङको मुखिया, प्रधानपञ्चसमेत हुनुहुन्थ्यो । उहाँ केही समयदेखि पेटको क्यान्सरबाट पीडित हुनुहुन्थ्यो । उहाँको आजै पशुपति आर्यघाटमा अन्त्येष्टि गरिने परिवारले जनाएका छन् ।