काठमाडौं - सोमबार देशभरको मौसममा सामान्यदेखि आंशिक बदली रही थोरै स्थानमा वर्षा हुने सक्ने जल तथा मौसम पूर्वानुमान महाशाखाले जनाएको छ । .प्रदेश नम्बर १, बागमती प्रदेश, गण्डकी प्रदेश र ५ नम्बर प्रदेशमा सामान्य बदली रही थोरै स्थानहरूमा हल्का वर्षा हुने बताइएको छ । सोमबार राति प्रदेश नम्बर १ र गण्डकी प्रदेशमा सामान्य बदली रही थोरै स्थानहरूमा हल्का वर्षा तथा बाँकी प्रदेशहरुमा आंशिक बदलीको सम्भावना रहेको महाशाखाले जनाएको छ । हाल भारतको पूर्वी बिहार आसपास रहेको न्युन चापीय प्रणाली कमजोर हुने क्रममा रहेको महाशाखाले जनाएको छ । आइतबारदेखि देशको धेरै स्थानमा मौसम सफा भएपनि केही ठाँउमा भने पानी पर्ने सम्भावना रहेको छ ।