गण्डकी प्रदेशमा आज २० जनामा कोरोनाको संक्रमण देखिएको छ। सोमबार बिहान पोखरा स्वास्थ्य निर्देशनालयले जारी गरेको विज्ञप्ति अनुसार गण्डकीमा थप २० जनामा संक्रमण देखिएको हो। प्रदेश क्षयरोग केन्द्रमा गरिएको परिक्षण अनुसार स्याङ्जा जिल्लाका १२ जना र नवलपरासी पूर्वमा ८ जना गरि २० जना संक्रमित रहेका छन्। संक्रमण मध्ये १५ पुरुष, ३ बालक, १ बालिका र एक महिला राखेका छन। संक्रमितको विवरण: स्याङ्जा जिल्ला:

• अर्जुन चौपारी गाउँपालिकाका ८ पुरुष र २ महिला
• कालिगण्डकी गाउँपालिकाका २ पुरुष

नवलपरासी पूर्व जिल्ला:

• बैदिकाली गाउँपालिकाका ८ पुरुष

पछिल्लो समय गण्डकीमा संक्रमितको संख्यामा दैनिक वृद्धि आएको छ। यस प्रदेशमा रहेका सबै जिल्लामा संक्रमित फेला परेको निर्देशनालयले जनाएको छ। यस प्रदेशमा हालसम्मको संख्या ५४० पुगेको छ भने एक जनाको मृत्यु भईसकेको छ।