हिमाल दैनिक
एनपीएल तेस्रो संस्करणः सुदूरपश्चिमलाई हराउँदै लुम्बिनी लायन्स पुग्यो फाइनलमा

 नेपाल प्रिमियर लिग (एनपीएल) तेस्रो संस्करणको फाइनलमा यसअघिकै विजेता लुम्बिनी लायन्स पुग्न सफल भएको छ। 

मंगलबार साँझ त्रिवि क्रिकेट मैदानमा सम्पन्न क्वालिफायर म्याचमा साविकको विजेता लुम्बिनी लायन्सले सुदूरपश्चिम रोयल्सलाई पराजित गर्दै फाइनल खेलमा आफ्नो स्थान सुरक्षित गरेको हो।

टस हारेपछि मैदानमा ब्याटिङका लागि उत्रिएको सुदूरपश्चिम रोयल्सले सुरुवातमै आफ्ना महत्वपूर्ण खेलाडीलाई मैदानमा टिकाउन नसकेपछि धर्मराउँदै २० ओभरको खेलमा ८ विकेट गुमाएर १०५ रनको बनाएको थियो।

जसलाई जवाफी व्याटिङका लागि मैदानमा उत्रिएको लुम्बिनी लायन्सका निरोसन डिकवेलाको ७ चौका र २ छक्कासहित ५९ रनको मद्दतले २० बल अगावै ४ विकेटको क्षतिमा जित हासिल गर्न सफलता मिलेको हो।

सुदूरपश्चिम रोयल्सविरुद्धको खेलमा महत्वपूर्ण खेलाडीलाई क्याचआउट गर्दै धरापमा पारेको डिकवेलालाले ब्याटिङका क्रममा पाएको सुरुवातमा रनआउट हुनबाट बचाएपछि पनि दोस्रो ओभरमा अभिनाश बोहोराको क्याच ड्रप हुनबाट जोगिदै जीवन दानले अर्धशतक मात्रै बनाउन सफलता मिलेन, खेलका महत्वपूर्ण उपाधिहरु पनि हात पार्न सफलता मिल्यो।

फाइनल यात्राका लागि १०६ रनको झिनो लक्ष्यसहित मैदानमा उत्रिएको लुम्बिनीले २४ रनमा दुई विकेट गुमाएपछि मैदानमा उत्रिएका लुम्बिनीका कप्तान रोहित पौडेलले डिकवेलासँग महत्वपूर्ण ३८ रनको साझेदारी गर्दै जितको सुनिश्चितता दिलाएका थिए।

लुम्बिनीका ओपनर ब्याटर डार्शी शर्ट सून्यमै आउट भएपछि खेलमा केही रोचकपन आएपनि डिकवेलाको उपस्थितिले लुम्बिनीलाई ठूलो आधार बनाइदियो।

त्यहिबिचमा आसिफ शेख ४ रन र सन्दिप झोराले ८ रनको योगदान गरेकोमा डिकवेलासँग कप्तान पौडेलले सम्हालिएर खेललाई आफ्नो पकडमा पार्न बलियो आधार बनाए।

पौडेल आउट भएपछि मैदानमा उत्रिएका दिलीप नाथले १२ बलको अन्तिममा छक्का प्रहार गर्दै अविजित १० रन मात्रै जोडेनन् जितका लागि आवश्यक १०६ को सट्टा १०८ रन बनाएर लुम्बिनीलाई लगातार दोस्रो पटक फाइनलमा स्थान सुरक्षित गराए।

यसअघि सुदूरपश्चिमका जर्ज मन्से पहिलो बलमै आउट भएपछि त्यसपछि मैदानमा उत्रिएका अन्य दुई खेलाडी पनि सस्तैमा आउट भए। 

लुम्बिनीका लागि रुवेन ट्रम्पलम्यानले पहिलो तीन ओभरमा ७ रन खर्चिदै दुई विकेट लिएपछि ३.१ ओभरमा ८–३ को दयनीय स्थितिबाट कप्तान दिपेन्द्रसिंह ऐरी र इशान पाण्डेले केही त्राण दिँदै ६४ रनको साझेदारी गरे।

१५औं ओभरमा इशान पाण्डे पनि ३३ बलको सामना गर्दै २७ रनको योगदान गरेर रन आउट भएपछि सुदूरपश्चिमको स्थिति फेरि खस्किएको थियो।

अन्तिम ओभरको दोस्रो बलमा कप्तान ऐरी पनि आउट भएसँगै सुदूरपश्चिमले ८ विकेट गुमाएर १०५ रनको फितलो टार्गेट दिएपछि साविकको विजेता लुम्बिनीलाई फाइनलको यात्रा सहज बन्यो।

अब सुदूरपश्चिमले बुधबार काठमाडौं गोर्खाज र चितवन राइनोटबिच हुने खेलको एलिमिनेटरसँग पुनः एक पटक फाइनल खेलको यात्रा सुरक्षित गर्ने अवसर पाउने छ। 

प्रकाशित मिति: बुधबार, मंसिर २, २०८३