जनताको वाक स्वतन्त्रतामाथि नै राज्यले हनन गर्न खोजे: झाँक्री

हिमाल दैनिक बुधबार, माघ २८, २०७७

जनताको वाक स्वतन्त्रतामाथि नै राज्यले हनन गर्न खोजे: झाँक्री — ramkumari-jhankri-pakrau

नेकपा प्रचण्ड–नेपाल पक्षकी नेतृ रामकुमारी झाँक्रीले आफूलाई गैरकानुनी रूपमा पक्राउ गर्न खोजिएको बताएकी छिन् । पक्राउ पर्नुअघि निवासमा सञ्चारकर्मीसंग उनले राष्ट्रपति विद्यादेवी भण्डारीको मानमर्दन, अपमान र चरित्र हत्या गरेको भन्ने विषय राजनीतिक विषय भएको र कानुनी विषय नभएको समेत बताईन । उनले मर्ने बेलामा कमिलाको प्वाँख पलाए झैं शासकले आफू ढल्ने बेलामा तमासा गर्ने गरेको धारणा राखिन् । जनताको सर्वोच्च थलो प्रतिनिधिसभा विघटन गर्न राष्ट्रपति भण्डारी मतियार बनेको उनको भनाई छ । उनले जनताको वाक स्वतन्त्रतामाथि नै राज्यले हनन गर्न खोजेको बताईन । पक्राउ पुर्जी जारी भएपछि झाँक्रीको निवासमा नेकपा कार्यकताले राज्यविरुद्ध नारावाजी गरेका थिए भने प्रहरीलाइ निवास छिर्न दिएका थिएनन् । राष्ट्रपति विद्यादेवी भण्डारीका विषयमा अभिव्यक्ति दिएपछि झाँक्रीलाई पक्राउ गर्न पुर्जी जारी गरिएको हो ।