लम्जुङ्गमा थप २२ जनामा कोरोनाको संक्रमण देखिएको छ। शुक्रबार पोखरा स्थति स्वास्थ्य निर्देशनालयका अनुसार लम्जुङ्गमा २ महिला र २० पुरुष गरि २२ जनामा कोरोनाको संक्रमण पुष्टि भएको हो। संक्रमितहरु १९ महिने बालिका देखि ५८ बर्ष उमेरका रहेका छन्। निर्देशनालयका अनुसार राइनसपालिकामा ८ जना, दुधपोखरीमा १ जना बेसीसहरमा २ जना, कवोलासोथरमा १ जना दोर्दीमा ४ जना र मस्याइंदीमा ६ जना गरि २२ जनामा कोरोनाको संक्रमण पुष्टि भएको हो। हाल सबै संक्रमितलाई जिल्लाको आइसोलेसनमा लैजाने तयारी भईराखेको निर्देशनालयले जनाएको छ। यस संगै गण्डकी प्रदेशमा संक्रमितको संख्या १२७८ पुगेको छ।