आज शेयर मार्केटमा तीन पटक सम्म सर्किट लागेपछि आजको कारोबार बन्द भएको छ। बुधबार बिहान ११ बजेबाट खुलेको शेयर बजार डेढ घण्टामै ६ प्रतिशत पुगेपछि कारोबार बन्द भएको छ। आज बजार खुलेको ३५ मिनेटमै ५ प्रतिशतले बढेपछि सर्किट ब्रेक लागेको थियो। ४० मिनेट पछि सुचारु भएको बजार फेरी दुई पटक सर्किट लागेपछि आजको कारोबार बन्द गरिएको हो। १ घण्टा २३ मिनेटमा ६ प्रतिशत अर्थात् ७५.७७ अंकले बढेपछि १३३६.५३ अंक पुगेको छ। उक्त समयमा आज ४० करोड ७३ लाख को कारोबार भएको छ। आज होटेल बाहेक सबै उपसमूहमा वृद्धि भएको छ। होटेल समूहमा ५ अंकले घटेको छ भने बैंकिङ ८२, व्यापार ३३, विकास बैंक ५७, जलविद्युत ३३, फायनान्स ४, निर्जीवन बीमा समूह ३२२, उत्पादन १०२, अन्य २०, माइक्रोफाइनान्स १०१, जीवन बीमा ५४८ अंकले बढेको छ।