आज सुनको मुल्य अहिले सम्मकै उच्च बिन्दुमा पुगेको छ । शुक्रबार ९५ हजार ८ सय रुपैयाँमा कारोबार भएको सुन आज ५ सय रुपैयाँले वृद्धि भएको छ। नेपाल सुनचाँदी व्यवसायी महासंघका अनुसार आज सुनको मुल्य प्रतितोला ९६ हजार ३ सय पुगेको छ। सुनको मुल्य ९६ हजार काटेको यो पहिलो पटक हो । त्यस्तै तेजावी सुनको मुल्य पनि ४ सय ९५ रुपैयाँले बढेको छ । आज तेजावी सुनको मुल्य ९५ हजार ८ सय ६० रुपैयाँ निर्धारण गरेको महासंघले जनाएको छ। शुक्रबार तजावी सुनको मुल्य ९५ हजार ३ सय ६५ रुपैयाँमा कारोबार भएको थियो। चाँदीको मुल्य ५ रुपैयाँले वृद्धि भएको छ । महासंघका अनुसार आज चाँदी प्रति तोला १ हजार १ सय ५५ रुपैयाँमा कारोबार भएको छ। साउन १ गते ९२ हजार ७०० मुल्यमा कारोबार भएको सुन १० दिन मै ३ हजार ६ सय रुपैयाँले र चाँदीको १५० रुपैयाँलेवृद्धि भएको छ । कोरोनाका कारण चैत ११ गतेदेखि बन्द भएको सुनचाँदीको कारोवार जेष्ठ २५ गते बाट शुरु भएको थियो। सुनको मुल्य प्रति तोला ८७ हजार ४०० तय गरिएको सुन आज सम्म आइपुग्दा ८ हजार ९ सय रुपैयाँले वृद्धि भएको छ। साउन महिनामा सुनको मुल्यको विवरण

गते	सुन (प्रति तोला)	तेजाबी सुन (प्रति तोला)	चाँदी (प्रति तोला)
१	९२७००	९२ हजार २६०	१००५
२	९२२००	९१ हजार ७६०	९९५
४	९२५००	९२ हजार ६५	१००५
५	९२३००	९१ हजार ८६५	१०००
६	९२७००	९२ हजार २६०	१०४०
७	९४०००	९३ हजार ५६०	११३५
८	९४५००	९४ हजार ६५	११४५
९	९५८००	९५ हजार ३६५	११५०
११	९६३००	९५ हजार ८६०	११५५