लकडाउनपछि कोरोनाको संक्रमण झन् बढ्यो, काठमाडौँ जोखिममा

हिमाल दैनिक मंगलबार, साउन १३, २०७७

लकडाउनपछि कोरोनाको संक्रमण झन् बढ्यो, काठमाडौँ जोखिममा — sawasri-check-traffic-corona

बुधबार काठमाडौंमा १५ सहित नेपालमा थप २ सय १० जनामा कोरोना भाइरसको संक्रमण देखिएको छ । विभिन्न प्रयोगशालामा गरिएको परीक्षणका क्रममा यी व्यक्तिमा कोरोना भाइरसको संक्रमण पोजेटिभ देखिएको स्वास्थ्य तथा जनसंख्या मन्त्रालयका प्रवक्ता डा जागेश्वर गौतमले जानकारी दिए । थपिएका सहित नेपालमा संक्रमितको संख्या १९ हजार २ सय ७३ जना पुगेको छ । यस्तै बुधबार १ सय ४६ जना कोरोना संक्रमणमुक्त भएका छन् । योसहित नेपालमा हालसम्म १४ हजार २१ उपचारपछि निको भएका छन् । हाल ५ हजार २ सय ३ जना संक्रमितको उपचार भइरहेको छ।

यो पनि पढ्नुहोस्:

परीक्षण घटाएर संक्रमण नबढेको प्रचार गर्दैछ सरकार

काठमाडौंमा भेटिएका संक्रमितमध्ये राष्ट्रिय जनस्वास्थ प्रयोगशाला टेकुमा काठमाडौंका दुई जना र भक्तपुरका एक जना संक्रमित भेटिएका हुन् । यस्तै शुक्रराज ट्रपिकल तथा सरुवा रोग अस्पतालमा गरिएको परीक्षणमा काठमाडौंका सात जनामा संक्रमण पुष्टि भएको छ । वीर अस्पतालमा काठमाडौंका दुई जना, त्रिभुवन विश्वविद्यालय शिक्षण अस्पतालमा काठमाडौंको एकजना र स्टार अस्पतालमा काठमाडौंका दुई जनामा संक्रमण भेटिएको स्वास्थ्य तथा जनसंख्या मन्त्रालयका प्रवक्ता डा. जागेश्वर गौतमले जानकारी दिए । उनले कोरोना भाइरसको परीक्षण र उपचारका लागि आवश्यक स्वास्थ्य सामग्री एक महिनालाई पुग्‍ने गरी मौज्दात रहेको बताए । उनका अनुसार थप आवश्यक स्वास्थ्य सामग्री ल्याउने तयारीमा सरकार रहेको छ । त्यसैगरी कोरोनाको संक्रमितको उपचारका गरेवापत अस्पताललाई अनुदान दिने आदेश २०७७ स्वीकृत भएको समेत उनले जानकारी दिए।

यो पनि पढ्नुहोस्:

कोभिड–१९ को जोखिम कायमै कूल ३८२ सुरक्षाकर्मीमा सङ्क्रमण

प्रकाशित मिति: मंगलबार, साउन १३, २०७७