स्याङ्जामा एम्बुलेन्स दुर्घटना हुँदा दुई जनाको मृत्यु हुनुका साथै दुई जना गम्भीर घाईते भएका छन्। आईतबार बिहान करिब चार बजे वालिङ नगरपालिका-५ माझकोट स्थित वालिङ–चापाकोट भित्रि सडक खण्डमा एम्बुलेन्स दुर्घटना भएको हो । जिल्ला प्रहरी कार्यालय स्याङ्जाका सूचना अधिकारी राजेन्द्र प्रसाद अधिकारीका अनुसार काठमाडौंबाट चापाकोट फर्केको बा.२ झ. ४०११ नम्बरको एम्बुलेन्स सडकबाट करिब २ सय ५० मिटर तल खसेर दुर्घटना भएहो हो।   मृत्यु हुनेमा चापाकोट नगरपालिका-९ बस्ने ३५ वर्षीय भानुभक्त गैरे र चापाकोट नगरपालिका १० बस्ने २५ वर्षीय श्याम पंगेनी छन्। वालिङ प्राथामिक स्वास्थ्यचौकीमा उपचारको क्रममा उनीहरुको मृत्यु भएको हो। दुर्घटनामा परी चापाकोट नगरपालिका-९ बस्ने ३१ वर्षीय एम्बुलेन्स चालक सुरेन्द्र भण्डारी र २८ वर्षीया पवित्रा पोख्रेल गम्भीर घाईते भएका छन् । उनीहरुको वालिङ प्राथमिक स्वास्थ्यचौकीमा उपचार हुन नसकेपछि थप उपचारका लागि पोखरा पठाईएको छ।