राणा र ज्ञानेन्द्रलाई त ढालियाे, आवश्यक परे ओलीलाई पनि छोडिन्नः देउवा
नेपाली कांग्रेसका सभापति शेरबहादुर देउवाले सरकारले लोकतन्त्रमाथिनै हस्तक्षेप गरेको भन्दै वर्तमान सरकारले आफ्नो अलोकतान्त्रिक गतिविधि बन्द नगरे त्यसविरुद्ध उत्रिएने चेतावनी दिएका छन्।
स्थानीय तह कर्मचारी युनियनको प्रथम राष्ट्रिय भेलाको शुक्रबार काठमाडौंमा उद्घाटन गर्दै सभापति देउवाले सरकारले अलोकतान्त्रीक कदम कांग्रेसलाई सैह्य नहुने समेत चेतावनी दिए।
प्रजातनत्रको लागि राणाशासन, पञ्चायतशासन, राजसंस्था र ज्ञानेन्द्रलाई कांग्रेसले ढालेको बताउँदै उनले जनताको विरुद्ध काम गरे नेकपा नेतृत्वको सरकारलाई समेत ढाल्ने चेतावनी दिए।
https://www.facebook.com/himaldainik/videos/692397991207498/?t=5
सभापति देउवाले सरकार असफल भएको महसुस जनताले गरिसकेकाले अब कांग्रेसले सडक र सदनबाट आन्दोलन छेड्ने तयारी गरिसकेको जानकारी पनि दिए।
मानवअधिकार आयोगमा समेत सरकारले हस्तक्षेप गरेको बताउँदै उनले तानाशाही शैलीमा गरिएका क्रियाकलाप सैह्य नहुने चेतावनी दिए।
कार्यक्रममा कांग्रेस बरिष्ठ नेता रामचन्द्र पौडेलले जनताले दिएको ‘म्यान्डेट’लाई दुईतिहाइको शक्तिशाली सरकारले सम्बोधन गर्न नसकेको भन्दै अव काग्रेस एकजुट भइ जनताको आवश्यकता पुरा गर्नुपर्ने बताए।
कार्यक्रममा काग्रेस नेताहरुले लोकतन्त्र र संघीय संरचनालाई संस्थागत गर्न आवश्यक पर्ने कानून पनि सरकारले निर्माण गर्न नसकेको धारणा राखे।
दुई दिनसम्म चल्ने स्थानीय तहको भेलामा देशभरका कांग्रेस आवद्ध ट्रेड युनियनका कर्मचारीको सहभागिता रहेको छ।
प्रकाशित मिति: मंगलबार, असार १०, २०७६
प्रतिक्रिया दिनुहोस्
थप समाचार
साताको लोकप्रीय
