इजरायलमा गाजा क्षेत्रबाट आतकंककारी समूह हमासको आतकंकारी आक्रमण पश्चात अलपत्र परेका नेपालीलाई स्वदेश फिर्ता गर्न नेपाली ध्वजाबहाक विमान लिएर इजरायल उडेको नेपाल एयरलाइन्सको विमान इजरायलको तेल अभिभ विमानस्थलमा अवतरण गरेको छ।
परराष्ट्र मन्त्री एनपी साउदको सचिवालय सहयोगीका अनुसार, बिहान काठमाडौंबाट उडेको नेपाल एयरलाइन्सकोे विमान बिहान ११ः१० बजे तेल अभिभमा अवतरण गरेको छ।
सचिवालयका अनुसार, करिब २ घण्टाको अवधिमा नेपाल फर्किन चाहने इजरायलस्थित करिब २५० जना नेपाली विद्यार्थी र नेपाली नागरिकहरुलाई लिएर आजै राती ९ बजे विमान काठमाडौं आइपुग्ने छ।
विमान तेलअभिभमा अवतरण गरेलगत्तै नेपाल फर्किन चाहने नेपालीहरुको विमानस्थलमा भिड लागेको छ।
नेपाली नागरिक लिन त्यहाँ पुगेका परराष्ट्रमन्त्री एनपी साउदसंग भेट्न इजरायली विदेश मन्त्रालयका उच्च तहका अधिकारी र नेपाली राजदूत कान्ता रिजाल्लगायतको टोली विमानस्थलमा पुगेका छन्।
परराष्ट्रमन्त्री एनपी साउद कूटनीतिक समन्वयका लागि नेपाल एयरलाइन्सको विमानमा आज बिहान त्यसतर्फ प्रस्थान गरेका थिए।
(Photo: Keshab Sawad
