टर्कीमा एक एसिड सरभाइबर युवतीले बिहे गरेकी छिन्। २० बर्षिय बेरफिन ओजेकले २३ बर्षिय कासिम ओजन सेल्‍टिकसंग बिबाह गरेका हुन् । एसिड आक्रमणमा परेकी बेरफिनले उक्त घटना पछि ३० प्रतिशत भन्दा कम मात्र देखिने गर्छिन । उनिमाथि एसिड प्रहार प्रेम सम्बन्ध कै कारण भएको थियो र एसिड प्रहार गर्ने ब्यक्ति कासिम नै हुन् । सन् २०१९ बेरफिन र कासिमको ब्रेकअप भयो । प्रेममा हार खाएका कासिमले रिसको झोकमा बेरफिनमाथि एसिड प्रहार गरे । डेली मेलका अनुसार बेरफिनले आफ्नै पुर्व प्रेमीले नै आफुमाथि एसिड आक्रमण गरेको प्रहरीलाई बयान दिएपछि कासिमलाई पक्राउ गरिएको थियो । यसका लागि कासिमलाई १३ बर्ष ६ महिनाका लागि जेल सजाय सुनाइए पनि कोभिड नियमका कारण उनलाई जेलबाट बाहिर आउने अनुमति दिईयो। आफ्नो रिहाईपछि कासिमले माफी माग्दै बेरफिनलाई बिहेको प्रस्ताब गरे र बेरफिनले कासिमलाई माफी दिंदै बिहेको लागि राजी भईको बताइएको छ । यी दुईले डिसेम्बरमा नै बिहे गरेका हुन् । बेरफिनको वुवा यासर ओजेकभने यस बिहेबाट खुसि छैनन् । अहिले यो बिषय सामाजिक संजालमा भाइरल बनेको छ । केहिले बेरफिनको आलोचना गरेका छन् भने कसैले यो उनको निजी बिषय भन्दै उनको समर्थनमा पनि आएका छन् ।